Året har vore spennande for oss som parti, og ein stor takk går ut til alle som har gjort gjennombruddet mogleg i Rogaland! Me sit i opposisjon og posisjon i 9 kommunar, og fekk 2 representantar inn på fylkestinget!

I året som kjem skal MDG Rogaland forsøke å organisere seg på best mogleg måte. Me er i gang med å finne ut av våre behov for sekretær og kontorlokale. I denne prosessen prøver me å inkludere alle lokallag.

Det blir også mykje arbeid med det nasjonale politiske programmet fram til stortingsvalet i 2017. Den nasjonale programkomité inviterer sine lokallag til å bli med i denne prosessen, og MDG Rogaland håpar på å kunne legge til rette for ein kreativ, politisk prosess!

Årsmøtet til fylkeslaget MDG Rogaland er satt til 10. februar, i Stavanger. Formell innkalling kjem til alle medlemmar på epost når alt er fastlagt.

Miljøpartiet dei grøne er eit parti som ønsker å ha så stor maktspreiing som mogleg. Derfor inviterer me alle våre medlemmar med inn i det nye året som aktive bidragsytarar! Me håper på å vere eit parti der alle som ynskjer skal kjenne at dei er inviterte med i styringa av partiet. Me er stolte over å ha hundrevis av dyktige menneske i ryggen i det arbeidet me gjer i styret, på fylkestinget, i kommunestyrer og bydelsutval.